Asambleja

Asambleja e Përgjithshme është organi më i lartë legjislativ i Federatës Shqiptare të Futbollit. Në bazë të statutit të miratuar nga anëtarët, asambleja thirret për zhvillimin e punimeve, një herë në vit. Në të marrin pjesë të gjithë anëtarët e Federatës Shqiptare të Futbollit.

Në punimet e Asamblesë së Përgjithëshme të çdo viti anëtarët kanë të drejtë të marrin vendime statuore, duke propozuar dhe miratuar amendime të ndryshme të rëndësishme. Asambleja është i vetmi organ i cili ka tagrin të marrë të tilla vendime.

Me vendim te Komitetit Ekzekutiv cakohet çdo vit data, ora dhe vendi për mbledhjen e Asamblesë së Zakonshme dhe të Jashtëzakonshme të FSHF-së. Një herë në katër vjet, siç e përcakton edhe Statuti i Federatës Shqiptare të Futbollit, zhvillohet Asambleja Zgjedhore e FSHF-së, e cila zgjedh Presidentin e FSHF-së, 10 anëtarët e Komitetit Ekzekutiv si edhe Anëtarët e Komisionit Verifikues (këta, një herë në dy vjet).

Gjithashtu, Asambleja e Përgjithëshme ka të drejtën e marrjes së shumë vendimeve të rëndësishme. Ajo gëzon të drejtën e plotë statuore të miratojë veprimtarinë një-vjeçare të Komitetit Ekzekutiv.

  • Gjithashtu Asambleja e Përgjithëshme në punimet e saj:
  • Amendon Statutet dhe Rregulloret e miratuara prej saj.
  • Miraton Raportin Financiar dhe voton buxhetin e FSHF-së
  • Cakton auditin e pavarur për veprimtarinë financiare, si dhe pranon raportin e tij.
  • Aprovon paqyrën e llogarive vjetore të kryera.

Vetëm Asambleja ka të drejtën e pranimit, përjashtimit, apo edhe të pezullimit për çdo anëtar të FSHF-së nga të gjitha veprimtaritë e saj.
Ajo mund të lirojë nga detyra një anëtar të një organi ekzekutiv të FSHF. Asambleja po kështu ka të drejtëne plotë që të propozojë dhe të miratojë Presidentin e Nderit, apo anëtarë nderi të FSHF, personalitete të ndryshme, për kontributin e tyre në futbollin shqiptar.

Nga titujt e Nderit që jep Federata Shqiptare e Futbollit, është Asambleja ajo që aprovon titullin më të lartë: “Nderi i Kombit në Futboll”.
Ky titull është atribut ekskluziv i saj dhe i asnjë organi tjetër.

Anëtarët e Asamblesë së Përgjithshme të Federatës Shqiptare të Futbollit me të drejtë vote, janë përcaktuar me statut dhe janë renditur si më poshtë:

1. Ada
2. Beselidhja
3. Bilisht Sport
4. Bylis
5. FC Besa
6. FC Gramozi
7. FC Lushnja
8. FK Apollonia
9. FK Dinamo
10. FK Elbasani
11. FK Kamza
12. FK Kelcyra
13. FK Kukesi
14. FK Memaliaj
15. FK Skrapari 2006
16. FK Sukthi
17. FK Terbuni
18. FK Tomori 1923
19. Flamurtari FC
20. Iliria
21. KF Adriatiku Mamurras
22. KF Burreli
23. KF Butrinti
24. KF Delvina
25. KF Domosdova
26. KF Egnatia
27. KF Erzeni
28. KF Gramshi
29. KF Laci
30. KF Maliqi
31. KF Memaliaj
32. KF Naftetari
33. KF Pogradeci
34. KF Pojani
35. KF Policani
36. KF Shkumbini
37. KF Skenderbeu
38. KF Tepelena
39. KF Teuta
40. KF Tirana
41. KF Turbina
42. KF Vllaznia
43. KS Kastrioti
44. KS Korabi
45. KS Luftetari
46. KS Sopoti
47. KS Vlora
48. KSSH Veleciku
49. Luz i Vogel 2008
50. Olimpik FC
51. Partizani
52. Permeti
53. SHS Albpetrol Patos
54. SK Himara
55. Shoqata e Trajnereve
56. Shoqata e mjekeve sportive
57. Shoqata e Arbitrave te Futbollit
58. Shoqata e Futsallit
59. Shoqata Rajonale Tirane
60. Shoqata Rajonale Durres
61. Shoqata Rajonale Shkoder
62. Shoqata Rajonale Elbasan
63. Shoqata Rajonale Fier
64. Shoqata Rajonale Korçe
65. Shoqata Rajonale Gjirokaster
66. Shoqata Rajonale Lezhe

Asambleja ka të drejtën të aprovojë ose ndryshojë Rregullat e Proçedurave të Asamblesë së Përgjithshme.